Ինչով զբաղվել Երևանում

Ինչով զբաղվել Երևանում

Երևանը հիասքանչ հյուրընկալ քաղաք է և յուրահատուկ մշակութային կենտրոն

Ծանոթությունը քաղաքի հետ կարելի է սկսել քաղաքի սրտում գտնվող Սպենդիարյանի անվան օպերայի և բալետի ազգային ակադեմիական թատրոնից, որը նախագծել է հայտնի ճարտարապետ Ալեքսանդր Թամանյանը: Շենքը կառուցվել է 1930-ական թվականներին և նախատեսված է 1300 այցելուների համար: Թատրոնը գտնվում է բազմաթիվ՝ նույնիսկ Երևանի բնակիչների կողմից սիրված ամառային սրճարաններով և ռեստորաններով լի մեծ այգու կենտրոնական հատվածում, իսկ անմիջապես դիմացում գտնվում է Կարապի լիճը:
Օպերայի ետնամասում է գտնվում Կասկադ համալիրը: Այն իրենից ներկայացնում է բրգաձև լայնածավալ աստիճանների համակարգ, որը կապում է քաղաքի կենտրոնական մասը դիտահարթակին և վերնամասում գտնվող բնակելի շրջաններին: Կասկադի ներքևի մասում, աջ եւ ձախ կողմերում կրկին գտնվում են բազմաթիվ սրճարաններ, բարերի, ռեստորաններ:
Աստիճանահարթակները զարդարված են գեղեցիկ քանդակներով եւ շատրվաններով, որոնց ստեղծման վրա ջանք ու եռանդ չեն խնայել լավագույն ժամանակակից ճարտարապետներ եւ քանդակագործներ: Անմիջապես Օպերայի թատրոնի շենքից սկիզբ է առնում Հյուսիսային պողոտան, որը տանում է դեպի Հանրապետության հրապարակ: Հյուսիսային պողոտայի աջ և ձախ հատվածները զարդարված են բացառապես նոր բարձրահարկ շենքերով, բրենդային խանութներով, սրճարաններով և ռեստորաններով:
Զբոսաշրջիկների երեխաները նույնպես չեն հասցնի ձանձրանալ: Այս հարցում նրանց օգնության կհասնի օղակաձև այգու Լունապարկը, Հաղթանակի զբոսայգու կարուսելները և Հրազդանի կիրճում գտնվող Մանկական երկաթ գիծը: Այստեղ ատրակցիոնների ընտրությունը բազմազան է:

Հատուկ առաջարկներ